സെറിബ്രല്‍ പാള്‍സി എന്ന ചലനവൈകല്യമുള്ള കുട്ടിയാണ് ശിഹാബുദീന് .വട്ടേനാട് ഗവ: വൊക്കേഷണല്‍ ഹയര്‍സെക്കന്‍ഡറി സ്കൂളിലെ എട്ടാം ക്ലാസ് വിദ്യാര്‍ത്ഥിയായിരുന്നു. പ്രായത്തിനനുസരിച്ച മാനസികവളര്‍ച്ച ആയിട്ടിലെങ്കിലും കേള്‍ക്കുകയും കാണുകയ്യും ചെയ്യുന്ന കാര്യങ്ങള്‍ മനസ്സിലാ‍ക്കാനുള്ള കഴിവുണ്ടവന് . എന്നാല്‍ പേശീചലനം ഏകോപിപ്പിക്കാന്‍ കഴിയാത്തതുകൊണ്ട് ആശയങ്ങള്‍ എഴുതിപ്രകടിപ്പിക്കാന്‍ കഴിയില്ല. ഇതുമൂലം ഒന്നാം ടേം മൂല്യനിര്‍ണ്ണയത്തില്‍ എല്ലാ വിഷയങ്ങളിലും ഇവന് സ്കോറൊന്നും കിട്ടിയില്ല. എന്നാല്‍ രണ്ടാം ടേം മൂല്യനിര്‍ണ്ണയത്തിന്റെ മലയാളം ഉത്തരക്കടലാസ് നോക്കിയ ഗീതടീച്ചര്‍ക്ക് ശിഹാബുദീന് എഴുതിയതില്‍ എന്തൊക്കെയുണ്ടെന്ന് തോന്നി. ടീച്ചര്‍ അവനെ വിളിച്ചുവരുത്തി ഉത്തരക്കടലാസ് വായിപ്പിച്ചു. വിക്കി വിക്കി അവന്‍ വായിച്ചതു മുഴുവന്‍ ശരിയുത്തരങ്ങളായിരുന്നു.ഉടനെ ഈ വിവരം ടീച്ചര്‍ മറ്റ് അദ്ധ്യാപകരെ അറിയിച്ചു.അവരും ഇതേപോലെ ചെയ്തപ്പോള്‍ ശിഹാബുദീന് എല്ലാവിഷയത്തിലും സ്കോര്‍ ലഭിച്ചു. എഴുതാന്‍ പ്രയാസമുള്ള കുട്ടിയായതിനാല്‍ കുറച്ചേ എഴുതിയിരുന്നുള്ളൂ.അതുകൊണ്ട് ലഭിച്ച സ്കോറും കുറവായിരുന്നു.
കാര്യങ്ങള്‍ മാറിയത് അവസാന ടേമിലായിരുന്നു.ശിഹാബുദ്ദീന്റെ അപ്പോഴത്തെ ക്ലാസ് അദ്ധ്യാപിക മാറി പുതിയൊരാള്‍ ചാര്‍ജ്ജടുത്തു. ഈ ടീച്ചറാണ് പ്രോമോഷന്‍ ലിസ്റ്റ് തയ്യാറാക്കിയത് . റിസല്‍ട്ട് വന്നപ്പോള്‍ ശിഹാബുദീന് എട്ടാം ക്ലാസില്‍ തോറ്റു. മറ്റ് അധ്യാപകര്‍ കുറേ കഴിഞ്ഞാണ് വിവരങ്ങള്‍ അറിയുന്നത് . അപ്പോഴേക്കും പ്രൊമോഷന്‍ ലിസ്റ്റ് അംഗീകാരത്തിനായി ഡി.ഇ.ഒ യ്ക്ക് സമര്‍പ്പിച്ചിരുന്നു.ശിഹാബുദീന് ഒരു കൊല്ലംകൂടി എട്ടില്‍ തന്നെ.
1.ക്ലാസ് കയറ്റം കിട്ടുവാന്‍ ശിഹാബുദീന് അര്‍ഹതയുണ്ടോ ?
2.ക്ലാസ് കയറ്റം കിട്ടാത്തതില്‍ ശിഹാബുദീനിന്റെ ഭാഗത്തുള്ള തെറ്റെന്ത് ?
3.പ്രോമോഷന്‍ ലിസ്റ്റ് തയ്യാറാക്കിയ അദ്ധ്യാപികയെ പൂര്‍ണ്ണമായും കുറ്റപ്പെടുത്താനൊക്കുമോ ?
4.ഇത്തരത്തില്‍ നിങ്ങള്‍ക്ക് എന്തെങ്കിലും അനുഭവം ഉണ്ടായിട്ടുണ്ടോ ?
5.ഇത്തരം അനുഭവങ്ങള്‍ ഒഴിവാക്കാനെങ്ങനെ കഴിയും ?
6.പുതിയ പഠനരീതി ഇതിനെന്തെങ്കിലും ഉപാധികള്‍ മുന്നോട്ടുവെക്കുന്നുണ്ടോ ?
അദ്ധ്യാപകര്‍ മുകളില്‍ കൊടുത്ത ചര്‍ച്ചാസൂചകത്തിന്റെ അടിസ്ഥാനത്തില്‍ ഗ്രൂപ്പ് തിരിഞ്ഞ് ചര്‍ച്ച നടത്തുന്നു.
ഗ്രൂപ്പ് ലീഡര്‍മാര്‍ അത് അവതരിപ്പിക്കുന്നു.
അങ്ങനെ ഒരു Student Profile വേണമെന്ന നിഗമനത്തില്‍ എത്തിച്ചേരുന്നു.
കുട്ടിയെക്കുറിച്ച് എല്ലാ വിവരങ്ങളും ഉള്‍ക്കൊള്ളൂന്നതായിരിക്കണം ഇത്തരമൊരു ഫലല്‍ എന്ന കാര്യത്തില്‍ ഏകാഭിപ്രായം ഉരുത്തിരിയുന്നു.
തുടര്‍ന്ന് ഇത്തരമൊരു രേഖയില്‍ എന്തൊക്കെ വിവരങ്ങളാണ് വേണ്ടതെന്ന കാര്യത്തില്‍ ചര്‍ച്ച നടക്കുന്നു.
ആര്‍.പി .ക്രോഡീകരിക്കുന്നു.
Student Profile ഇന്നയിന്ന ഇനങ്ങള്‍ വേണമെന്ന കാര്യത്തില്‍ തീരുമാനത്തിലെത്തുന്നു
(അവധിക്കാല അദ്ധ്യാപക പരിശീലനത്തില്‍ നിന്ന് )
Subscribe to:
Post Comments (Atom)
2 comments:
കുട്ടിയെക്കുറിച്ചുള്ള എല്ലാ വിവരങ്ങളും അദ്ധ്യാപകന്‍ അറിഞ്ഞിരിക്കേണ്ടതല്ലേ
വളരെ നല്ല കേസ് സ്റ്റ്ഡി തന്നെ
ആശംസകള്‍
Post a Comment