1 2 3 4 5 6 7 8 9 10

മുകളില്‍ കൊടുത്തിട്ടുള്ള ശാസ്ത്രജ്ഞന്മാരെക്കുറിച്ചറിയാന്‍ അവരുടെ ചിത്രത്തില്‍ ക്ലിക്ക് ചെയ്യുക

Message 1

Saturday, February 16, 2008

സി.ബി.എസ്.ഇ പരീക്ഷയ്ക്ക് ഇനി കാണാതെ പഠിച്ചിട്ട് കാര്യമില്ല!!

ന്യൂഡല്‍ഹി:കാണാപ്പാഠം മാത്രം പഠിക്കുന്നവര്‍ക്ക് ഇനി മിടുക്കന്മാരാകാന്‍ പറ്റില്ല.2008ലെ സി.ബി.എസ്.ഇ ബോര്‍ഡ് പരീക്ഷകളിലെങ്കിലും ഇക്കാര്യം ഉറപ്പ് .സി.ബി.എസ്.ഇ യുടെ പരിഷ്കരിച്ച ചോദ്യപാറ്റേണ്‍ അനുസരിച്ച് ചോദ്യങ്ങള്‍ക്ക് കൃത്യമായി ഉത്തരമെഴുതാന്‍ പരന്ന വായനയും അറിവും വേണം .
ചൈനയെന്നു പേരെഴുതിയ സൈക്കിള്‍ , മുന്‍‌ചക്രം അരിവാളും ചുറ്റികയും പിന്‍‌ചക്രം അമേരിക്കന്‍ ഡോളര്‍ ; പന്ത്രണ്ടാം ക്ലാസിലെ പോളിറ്റിക്കല്‍ സയന്‍സ് ചോദ്യപേപ്പറില്‍ ഇത്തരമൊരു കാര്‍ട്ടൂണ്‍ തന്നിട്ട് കാര്‍ട്ടൂണിന്റെ സന്ദേശമെന്തെന്നും ചക്രങ്ങള്‍ അര്‍ത്ഥമാക്കുന്നതെന്തെന്നും ചോദിച്ചാല്‍ ഞെട്ടരുത് . പുസ്തകത്തിലെ അടിവരയിട്ട ഭാഗങ്ങളില്‍ ഈ ചോദ്യത്തിന് ഉത്തരമുണ്ടാവില്ല.അമേരിക്കയുടെ സഹായത്തോടെ ചൈന ആഗോളതലത്തില്‍ മുന്നേറുന്നുവെന്നാകാം ഒരു പക്ഷെ കാര്‍ട്ടൂണിന്റെ സന്ദേശം . പെഡല്‍ ചലിക്കുമ്പോള്‍ ചലിക്കുന്ന പിന്‍‌ചക്രത്തിന്റെ മാത്രം ബലത്തില്‍ മുന്നോട്ടുപായുന്ന സൈക്കിളിന്റെ മുന്‍‌ചക്രം ചൈനീസ് സമ്പദ്‌വ്യവസ്ഥയും പിന്‍‌ചക്രം അമേരിക്കന്‍ ക്യാപ്പിറ്റലിസവും ആയിക്കൂടെ
പാഠപുസ്തകങ്ങള്‍ക്കൊപ്പം ദിനപ്പത്രങ്ങളും ആനുകാലികങ്ങളും വായിക്കുന്നവര്‍ക്ക് ഇത്തരത്തിലുള്ള ചോദ്യങ്ങള്‍ക്ക് ഉത്തരമെഴുതാന്‍ കഴിയും.
മറ്റു വിഷയങ്ങളിലും ഇതേ തരത്തിലുള്ള വിശകലന ചോദ്യങ്ങള്‍ ഉള്‍പ്പെടുത്തിയിട്ടുണ്ട് .
മാര്‍ച്ച് ഒന്നിനു തുടങ്ങുന്ന സിബി എസ് ഇ പത്ത് , പന്ത്രണ്ട് ക്ലാസുകളിലെ പരീക്ഷയ്ക്ക് ഇത്തരത്തിലുള്ള ചോദ്യങ്ങള്‍ ഉണ്ടാവും.
സി.ബി.എസ്.ഇചോദ്യപേപ്പര്‍ പരിഷ്കാരം കുട്ടികളുടെ വിശകലനശേഷി വികസിപ്പിക്കാന്‍ ഉപകരിക്കുമെന്ന് വിദ്യാ‍ഭ്യാസ വിദഗ്‌ദര്‍ വിലയിരുത്തുന്നു.ഓര്‍മ്മശേഷി വികസിപ്പിക്കുന്നതിലുപരി കുട്ടിയുടെ ഉയര്‍ന്ന് ചിന്താവൈദഗ്‌ദ്ധ്യം ( ഹയര്‍ ഓര്‍ഡര്‍ തിങ്കിംഗ് സ്കില്‍‌സ് -- ഹോട്ട് ) അളക്കുകയാണ് ലക്ഷ്യമെന്ന് സിബീസ് ഇ അദ്ധ്യക്ഷന്‍ അശോക് ഗാംഗുലി പറഞ്ഞു. ആകെ ചോദ്യങ്ങളില്‍ 20% ഹോട്ട്‌സ് നിലവാരമുള്ളവയായിരിക്കും.
പുതിയ മാതൃകയിലെ ചോദ്യപേപ്പറില്‍ 10% ഏറ്റവും ചുരുങ്ങിയ വാക്കുകളില്‍ ഉത്തരമെഴുതേണ്ട ചോദ്യങ്ങളാവും .കാര്യകാരണ സഹിതമുള്ള പഠനം ആഴത്തിലുള്ള അറിവ് , വിശകലന ശേഷി തുടങ്ങിയവ പരീക്ഷിക്കാനും ചുരുങ്ങിയ മാതൃക സഹായിക്കും.നാഷണല്‍ കരിക്കുലം ഫ്രെയിം വര്‍ക്ക് 2005ന്റെ അടിസ്ഥാനത്തിലാണ് ചോദ്യമാതൃകയില്‍ മാറ്റം വരുത്തിയിരിക്കുന്നത് .
വിദ്യാര്‍ത്ഥിയുടെ ആശയവിനിമയശേഷി പരിശോധിക്കുന്ന ചോദ്യങ്ങളും , ചിത്രങ്ങളും ഗ്രാഫുകള്‍ റിപ്പോര്‍ട്ടുകള്‍ തുടങ്ങിയവയെ ആധാരമാക്കിയുള്ള ചോദ്യങ്ങളുംവിശകലനവിധേയമാക്കേണ്ട ചോദ്യങ്ങളും ഈ വിഭാഗത്തില്‍ ഉള്‍പ്പെടുത്തിയിട്ടുണ്ട്. എല്ലാവിഷയങ്ങളുടേയും സാമ്പിള്‍ ചോദ്യപേപ്പര്‍ ഔദ്യോഗിക വെബ്‌സൈറ്റില്‍ ( www.cbse.nic.in) ലഭിക്കും